Aymarxatx taqi chaqan yatxatasipkaraki. Yamakis jach’a yatiñ utanakanx yatichasiskarakiwa. Ukhamatx k’achampitjam aymara aru` wali` yatintañaruw yaqhipanakax mantaskaraktanxa. Uka yatxatawinakax juk’ampi amuyunakampi ch’amanchatäñapawa. Ukatakiw akham pankas qillqt’atäskaraki. Akniri pankax khitinakatï qillqañ yatiqañ munapkta, jumanakatakiwa. Jichhaxa, kuna amuyunakas tawaqu waynawirinakatakix qillqatapunïxañapawa. Ukhamarus ukarakixay jaya maranakkam aymaran amuyupax jakaskakchinixa. Ukatpï aka pankanx kunjamas sirqis qillqt’aña, kunjas sallanakas qillqt’aña, kunjas samsunakas qillqt’aña, ukatx kamisas k’ilanakas qillqt’arakiña, ukanakat qhananchatäski.